PATRICK TOPPING I ARWAIN PEN-BLWYDD SHANGRI-LA YN 15 OED YN DEPOT, CAERDYDD

Dydd Mawrth, 3 Chwefror 2026

Bydd Dydd Sadwrn 11 Ebrill yn garreg filltir bwysig i Shangri-La, wrth i’r sefydliad electronig Cymreig ddathlu 15 mlynedd drwy feddiannu DEPOT ar gyfer digwyddiad diwrnod cyfan gwefreiddiol.

Y prif berfformiwr fydd neb llai na Patrick Topping, y DJ/cynhyrchydd o Newcastle a phennaeth y label Trick y mae ei setiau wedi dod yn rhan hanfodol o wyliau mwyaf y byd a’r clybiau enwocaf.

Shangri-La oedd syniad Nick Saunders a James Cromwell; a oedd, ar y pryd, yn ddau fyfyriwr ym Met Caerdydd a drefnodd y noson glwb gyntaf ym mis Ebrill 2011 wrth astudio ar gyfer eu graddau. Gan ddechrau yng Nghlwb Nos GLAM ar Heol y Brodyr Llwydion yng nghanol dinas Caerdydd, cynhaliodd Nick a James ddigwyddiadau misol ar nos Fercher – drwy dargedu’r amseroedd canol wythnos, fe wnaethant agor y drws i artistiaid enfawr a thalent enwog na fyddai fel arfer ar gael i chwarae ar y penwythnos.

Fel un o’r perfformwyr cyntaf y gwnaeth Nick a James erioed eu trefnu, mae’n briodol bod Patrick Topping yn dychwelyd ar gyfer 15fed pen-blwydd Shangri La. Ers hynny, mae’r brand wedi mynd o nerth i nerth, gyda sioeau awyr agored yng Nghastell Caerdydd ac, yn fwy diweddar, yn ei gartref newydd yn DEPOT – y man digwyddiadau i 2,100 o bobl yng Nghaerdydd a gafodd ei sefydlu hefyd gan Nick.

Dros y blynyddoedd, mae Shangri-La wedi croesawu rhai o’r enwau mwyaf ym myd cerddoriaeth electronig, o artistiaid ar adegau arloesol i’r rhai sy’n dychwelyd ar anterth eu gyrfaoedd, gan gynnwys Duke Dumont, Michael Bibi, Jamie Jones, Josh Baker, Chris Stussy, Eric Prydz, Fisher, a llawer mwy.

Dros y degawd diwethaf, mae Topping wedi creu enw da fel perfformiwr cyson di-baid ac arloeswr gwirioneddol y sin; gyda Trick bellach yn label a chyfres ddigwyddiadau a gydnabyddir yn fyd-eang ac mae Topping ei hun yn ennill anrhydeddau gan gynnwys DJ Gorau Prydain DJ Mag yn 2022.

Yn y cyfamser, mae Nick Saunders wedi mynd ati i sefydlu DEPOT – y lleoliad warws a’r grŵp digwyddiadau sy’n gyfrifol am gyflwyno sioeau byw yng Nghastell Caerdydd, y Gored Ddu, a Tiger Yard. Mae James Cromwell, sy’n parhau i weithio’n agos gyda Saunders, wedi’i leoli yn Sbaen bellach ac yn cynnal digwyddiadau mewn sawl lleoliad ac, yn fwy diweddar, yn cynhyrchu sioeau byw yn Marbella Arena, gan groesawu perfformwyr fel Faithless, Pawsa, Chris Stussy, Two Door Cinema Club a mwy.

Bydd tocynnau rhagwerthu ar gael o 10 Chwefror am 10am; cofrestrwch i gael mynediad nawr yn https://bit.ly/PattyT2026.