ALLBWN / OUTPUT

Cynllun ariannu i annog mwy o gigs llawr gwlad yng Nghaerdydd yn dychwelyd ar ôl peilot llwyddiannus

Mae sîn gerddoriaeth Caerdydd i gael hwb arall yn 2026 wrth i gynllun cyllido ALLBWN / OUTPUT Cyngor Caerdydd ddychwelyd, yn dilyn cynllun peilot llwyddiannus yn gynharach eleni, gyda chylch gwaith estynedig i gefnogi artistiaid electronig a DJs newydd ac sy’n dod i’r amlwg, yn ogystal â gigs.

Gyda’r nod o annog hyrwyddwyr i gymryd mwy o risgiau a chynyddu’r cyflenwad o artistiaid newydd addawol sy’n chwarae yn lleoliadau annibynnol y ddinas yn ystod misoedd cynnar tawel y flwyddyn, mae ALLBWN / OUTPUT yn gwarantu hyrwyddwyr sy’n ennill cymorth drwy’r cynllun rhag colledion ariannol o hyd at £1,000 ar ddigwyddiadau.

Mae Dinas Gerdd Caerdydd yn falch o gyflwyno cynllun peilot newydd i gefnogi hyrwyddwyr mewn lleoliadau cerddoriaeth bach a llawr gwlad yn y ddinas. Bydd ALLBWN / OUTPUT yn rhoi gwarant rhag colli hyd at £1,000*. Bydd y cynllun hwn, sydd wedi’i gynllunio i gynyddu nifer y gigs yn y ddinas, ar agor i hyrwyddwyr newydd yn ogystal â’r rheini sydd eisoes â phrofiad yn y maes. Bydd hefyd yn agored i fandiau lleol a hoffai hyrwyddo eu gigs eu hunain.

*Sylwer mae Telerau ac Amodau yn berthnasol.

Amcanion ar gyfer ALLBWN / OUTPUT

• Annog hyrwyddwyr newydd i gymryd eu camau cyntaf yn y busnes heb orfod ysgwyddo’r holl risg ariannol.
• Caniatáu i hyrwyddwyr mwy sefydledig ehangu, naill ai trwy defnyddio lleoliad mwy o ran maint neu drwy arbrofi gyda genre gwahanol.
• Galluogi bandiau lleol i adeiladu dilyniant drwy hwyluso digwyddiadau hunan-hyrwyddo.
• Ehangu’r arlwy o gerddoriaeth fyw a gwreiddiol.
• Cynyddu nifer y digwyddiadau cerddoriaeth fyw yn y ddinas.

Bydd ALLBWN / OUTPUT yn gweithio trwy liniaru’r risg ariannol sy’n gysylltiedig â hyrwyddo Digwyddiadau cerddoriaeth ar lawr gwlad. Bydd costau fel llogi lleoliad, system PA a ffioedd bandiau yn cael eu talu gan warant a gytunwyd yn erbyn colled sy’n golygu os na fydd gwerthiant tocynnau yn cyrraedd y lefel ofynnol i dalu’r costau hyn, byddwn yn gwneud iawn am y gweddill.

Meini prawf ALLBWN / OUTPUT:

• Rhaid cynnal y gig yng Nghaerdydd mewn Lleoliad Cerddoriaeth ar Lawr Gwlad neu mewn gofod priodol.
• Rhaid i’r gig fod yn ddigwyddiad lle mae angen talu am docyn.
• Rhaid talu pob band.
• Rhaid i gyfanswm y risg a warantir fod yn llai na £1,000.
• Rhaid i’r pwynt adennill costau fod dan 80% o werthiant tocynnau.
• Rhaid i’r rhan fwyaf o’r deunydd fod yn wreiddiol.
• Mae’n rhaid i’r ymgeisydd fod yn 18+.
• Mae ceisiadau am gymorth drwy gynllun ALLBWN / OUTPUT ar agor tan 6 Chwefror 2026.  Rhaid i’r gigs gael eu cynnal cyn 15 Mawrth 2026.

  .