Sŵn Caerdydd: Rhaglen ddogfen newydd sy’n tynnu sylw at ddylanwad sin gerddoriaeth fywiog y ddinas ar fandiau enwocaf Cymru

Medi 18, 2024

• Mae ‘Sŵn Caerdydd’ yn plymio i fyd cerddoriaeth enwog y ddinas gyda CHROMA, Casey, Dream State, Funeral for a Friend, Holding Absence a Skindred
• Mae’r ffilm fer yn tynnu sylw at y Fuel Rock Club a Clwb Ifor Bach, a phŵer lleoliadau llawr gwlad Caerdydd ar lwyddiant pob band

Mae Ticketmaster yn falch o lansio rhaglen ddogfen fach gyda chwe band roc ac amgen ysbrydoledig o Gymru: CHROMA, Casey, Dream State, Funeral for a Friend, Holding Absence a Skindred.

O berfformio yn lleoliad llawr gwlad Fuel Rock Club i lwyfan Stadiwm Principality, mae ‘Sŵn Caerdydd’ yn tynnu sylw at daith pob band a sut mae sin gerddoriaeth fywiog, ysbryd cymunedol a lleoliadau llawr gwlad y ddinas wedi chwarae rhan ganolog wrth lunio eu llwyddiant.

Dywedodd Funeral for a Friend: “Fe wnaeth Sŵn Caerdydd ganiatáu i ni fyfyrio ar ein gwreiddiau a thalu teyrnged i sîn gerddoriaeth Caerdydd, sydd wedi bod yn allweddol yn ein twf fel artistiaid. Dyw Caerdydd ddim yn gefndir i’n taith yn unig; mae’n guriad calon ein cerddoriaeth, y lle a’n gwnaeth ni bwy ydym ni.”

Dywedodd Andrew Parsons, Rheolwr Gyfarwyddwr Ticketmaster DU: “Mae’r sîn gerddoriaeth Gymraeg yn ffynnu wrth wraidd lleoliadau llawr gwlad fel y Fuel Rock Club a Clwb Ifor Bach, lle mae talent ac angerdd crai yn dod at ei gilydd i greu caneuon poblogaidd yfory. Mae rhaglen ddogfen ‘Sŵn Caerdydd’ yn dathlu’r daith hon, gan arddangos sut mae’r lleoliadau hyn wedi gyrru sîn gerddoriaeth Cymru o lwyfannau lleol i arenâu Caerdydd a thu hwnt, gan gipio hud y ddinas a grym ei diwylliant cerddorol ffyniannus.”

I gefnogwyr sy’n awyddus i archwilio sîn gerddoriaeth fywiog Cymru, edrychwch ar Ganllaw Cymru Ticketmaster [Gwefan iaith Saesneg]