SINFONIA CYMRU | Swydd ar gael!

NEWYDDION GAN: SINFONIA CYMRU

Gynorthwy-ydd Cyngherddau a Phrosiectau

Rydym yn falch o gyhoeddi ein bod yn chwilio am Gynorthwy-ydd Cyngherddau a Phrosiectau i ymuno â’n tîm yn Sinfonia Cymru. Byddwch yn gweithio gyda’r Rheolwr Cyffredinol i sicrhau bod y gwaith o gynllunio a chyflwyno ein prosiectau siambr a cherddorfaol yn rhedeg yn llyfn; byddwch hefyd yn helpu gyda’r paratoadau logistaidd ynghlwm â holl weithgaredd y gerddorfa, yn cynnwys gwneud trefniadau llety a theithio ar gyfer y cerddorion, paratoi a dosbarthu amserlenni i gerddorion, timau technegol a chanolfannau, cynnal catalog y llyfrgell gerdd, a hurio a pharatoi’r gwahanol rannau cerddorol.

Swydd ran-amser 4 diwrnod yr wythnos yw hon, gyda chyflog oddeutu £19,200 y flwyddyn (yn seiliedig ar gyflog cyfwerth ag Amser Llawn o £24,000 y flwyddyn).

Y dyddiad cau ar gyfer ceisiadau yw canol dydd ar 14 Mai 2025. Gwahoddir ymgeiswyr ar y rhestr fer i fynychu cyfweliad ar 20 neu 21 Mai 2025, lle gofynnir iddynt gwblhau cyfweliad a hyd at ddwy dasg ymarferol fechan. Byddem yn dymuno i’r ymgeisydd llwyddiannus ddechrau cyn gynted â phosib.

Manylion YMA

Rheolwr Marchnata a Chyfathrebu

Rydym yn falch o gyhoeddi ein bod yn chwilio am Reolwr Marchnata a Chyfathrebu i ymuno â’n tîm yn Sinfonia Cymru. Fel Rheolwr Marchnata a Chyfathrebu, byddwch yn chwarae rôl allweddol yng nghenhadaeth Sinfonia Cymru i ddarparu profiadau cerddoriaeth glasurol eithriadol a hygyrch i bobl ledled Cymru.

Trwy ddatblygu a gweithredu ymgyrchoedd marchnata arloesol, cydweithredu gyda chanolfannau partner, ac arwain y dasg o greu deunyddiau marchnata deniadol, byddwch yn codi proffil y gerddorfa ac yn denu cynulleidfaoedd amrywiol.

Swydd ran-amser, 3 diwrnod yr wythnos, yw hon ar gyflog o £19,200 y flwyddyn (yn seiliedig ar gyflog cyfwerth ag Amser Llawn o £32,000 y flwyddyn). Y dyddiad cau ar gyfer ceisiadau yw canol dydd ar 22 Mai 2025.