Y tu ôl i'r Sîn gyda MIRARI
Fel rhan o’n cyfres o gyfweliadau sy’n cynnwys artistiaid cyffrous naill ai o Gaerdydd, neu sydd â chysylltiad â Chaerdydd, rydym yn archwilio Tu ôl i’r Sîn gyda’r cyfansoddwr caneuon, y cynhyrchydd a’r perfformiwr, MIRARI. I gyd-fynd â phob erthygl mae set o luniau a gomisiynwyd yn arbennig gan Ren Faulkner.
DARLLENWCH EIN CYFWELIAD GYDA MIRARI
Beth oedd yr artist, yr albwm neu’r gân gyntaf a wnaeth i chi syrthio mewn cariad â cherddoriaeth?
Micheal Jackson yn gyffredinol. Ond byddwn i’n dweud mai Dirty Diana oedd y gân gyntaf i fi syrthio mewn cariad â hi ac o’r fan honno edrychais i byth yn ôl.
Oes unrhyw ffynonellau annisgwyl o ysbrydoliaeth sy’n dylanwadu ar eich gwaith?
Ydw, dwi’n caru The Weeknd a Kanye West ond i fi mae’n llai am y gerddoriaeth a mwy am bopeth o’i gwmpas – adeilad y byd. Yr awydd i ymgolli yn eu gweledigaeth a’r bydysawd y mae’r gerddoriaeth yn byw ynddo.
Pe gallech ddewis unrhyw 3 artist yn y byd i berfformio mewn Gŵyl Dinas Gerdd Caerdydd yn y dyfodol, pwy byddech chi’n ei ddewis?
Source, Adjua a Small Miracles.
Oes ’na ran o Gaerdydd sy’n teimlo’n arbennig o gysylltiedig â’ch cerddoriaeth neu eich taith bersonol fel artist?
Ie, yr hen Porters (cyn iddyn nhw symud). Mae angen cadw’r adeilad hwnnw fel heneb i gerddoriaeth Gymreig, aeth canfod datblygiad artistig a thaith cymaint o berfformwyr drwy’r adeilad hwnnw a’r cam hwnnw.
Beth yw eich hoff atgof o gig yng Nghaerdydd, naill ai un rydych chi wedi mynd iddo neu un rydych wedi’i berfformio, a beth wnaeth e mor arbennig?
Dwi newydd berfformio yn islawr Jacob’s ar gyfer Sŵn 2024 ac roedd yn arbennig oherwydd y cysylltiad roeddwn i’n ei deimlo gyda’r gynulleidfa. Roedden ni gyda’n gilydd o’r dechrau i’r diwedd.
Pa artistiaid Cymreig sy’n gwneud pethau cyffrous ar hyn o bryd ac yn haeddu sylw pobl, yn eich barn chi?
Small Miracles yn sicr!
Pe gallech chi gydweithio ag unrhyw artist neu gynhyrchydd, pwy byddech chi’n ei ddewis?
Minas – mae’n un o golofnau’r gymuned ac mae angen rhoi papur swigod amdano!
Enw eich albwm blaenorol oedd ‘The Last Cowboy’, beth ysbrydolodd y cysyniad?
Y cysyniad oedd fy mod yn teimlo mai fi oedd yr (ychydig) olaf o frîd sy’n marw. Brîd a roddodd bopeth i beth bynnag yr oedden nhw’n penderfynu ei wneud. Brîd oedd yn barod i fynd yn groes i gonfensiwn er mwyn creu’r byd y maen nhw eisiau ei weld.
Roeddech chi’n arfer perfformio’n unigol gyda DJ, ac yna dechrau cydweithio a pherfformio’n fyw gydag aelodau o’r band ‘Small Miracles’ o Gaerdydd. Sut daeth y cydweithio hwnnw i fod, a sut mae wedi dylanwadu ar eich dull o ymdrin â cherddoriaeth ers hynny?
Fe wnaethon ni gyfarfod yn Summit for Beacons. Roedd y ddau ohonom ar y bil ac roedd set ein gilydd wedi creu argraff arnom. Ers hynny, rydym yn ffrindiau ac mae’r cydweithio wedi digwydd yn naturiol. Maen nhw’n bendant wedi dylanwadu ar fy agwedd at gerddoriaeth trwy feddwl yn fwy, meddwl yn aruchel!
PWY YW MIRARI
Mae Mirari yn gyfansoddwr, cynhyrchydd a pherfformiwr o Gaerdydd, ac mae ei gerddoriaeth yn gyfuniad unigryw o R&B, pop ac alté, wedi’u nodweddu gan estheteg tywyll, oriog a geiriau hynod o fewnblyg. Mae perfformiadau byw Mirari yr un mor drawiadol, ac mae wedi perfformio ar lwyfannau yng Ngŵyl Dinas Gerdd Caerdydd, New Skool Rules (Rotterdam) a Sorviev (Norwy).
GWRANDEWCH AR MIRARI…
LISTEN TO MIRARI…
